Urati su halangkaw na tangid

Tindog pa! Nalamgos man

su mga sanga boda dahon, pero

Tisô, magpoon sa gamut

Sagcod sa arintîtî.

 

Pan-u daw sinagasâ

Su 320ng pang rapado ni Reming:

pusak casu Dumagsâ

ipu-ipu kang Timog,

Panghimangot ning Salatan!

 

Su midbid lugod

Na macusog na mga kahoy:

Mahogany, kamagong, hanadgong,

Gmelina, antipolo, danglog, nyog,

Anas sentinsyado: buwal, barî,

Sip-ak, pinilipit. Huyan…

Ga urubay-ubay sa sainyang pamitsan!

 

Ano daw ang birtud

Kaining mahamot na tangid

Ta dai nauyag ang regalia

Kan sainyang kagayunan?

 

Baku daw na ini parinaw

Na ang totoong cusog

Bacong gikan sa pagkatagas

Kundi sa mga paghunod, pagsukong’

Sa mga bagyong macusog

Na minaabot sa buhay?