ining taon 2022

nagkarabkatab ang kalayo

sa buhay ko

 

na covid ako kang agosto

sobrang sarong semana sa ebmc

uyabos pang ma-turbo hanep

 

pag septyembre, balik ospital

nag sarong semana sa ebmc

dangan pig indorse sa

daraga doctor’s hospital

 

haros sarong bulan

(“limang aldaw sa icu)

sakit sa puso, bato, baga

nag agi ning limang kagadanan

 

dinugo magdamrag

sa pig canghan ning catheter

(plastic na tubong agihan ning dugo

sa pag dayalisis)

 

pilang beddings ang natumtum ning dugo

pero salamat sa angel na padara ning Dios

(bados na nars na nagtyaga pungpungon su dugo

apat na oras nakatindog ta pig manual

ta dai na caya ning mga plaster

 

su buros ning graciang cuarta

hare sa mga amigo, mga grupo, govierno

pambayad sa ospital ta dai mi caya

su pagka kadaculang babayadan

 

sa pagpilit kong makaparibud

nagtugot pero hospital-to-hospital

pero kang irelease na, sabi kasu doctor

base sa resulta ning mga laboratory

pwede nang deretso sa harong bastang

pirming naka oxygen saka in-bed

 

duwang aldaw pa sana sa harong

naka-wheel chair na, dangan

nakalakaw nang ga sugkod

pakatapos ning sarong semana

 

naka atender na kang

mga celebracion kang Neocatecumenado

sagcod mga dating obligasyon

 

ata naka atender na ngani

ning bilog na misa de gallo

sa simbahan ning Bigaa

tolong beses pang nagcantang

solo ning “adios”, hehehe

 

ga direct sa mga rehearsal

ning sarong musical play

na ipalabas sa xmas cheers

sa december 27, dis year

 

iyoan ang calayong nagcarabkatab

sa buhay ko, baco tuyong gadanon

kundi pacusogon sakong pagkatawo

 

calayong biyaya ning

mamomoton na Dios

tanganing ipadagos ang

sakong mission

 

ang magsabwag ning kagayonan

sa sakong namumugtakan

………………………………

 

 

HAPPY NEW YEAR!!!!!!!!!