Dios na naging tawo

tuyong iligtas kitang mga tawo

 

sa pagtukdo Niya ning Katotoohan

senentensiyahan ning kagadanan

 

inako ang mga pasakit

ginapos, latigo, lutab

tampal, sipa, coronang tunok

 

su mga tawong dati sainya nagomaw

“mabuhay ang aki ni david”

iba na ang saindang kinurahaw

“ipako sa cruz!  ipako sa cruz!”

 

kinarga ang magabat na cruz

patukad sa mabatong pungko ning kalbaryo

duman ipinako siya sa cruz

caiba ang duwang criminal

 

pero imbes na magbalos

sa mga nagpagadan Sainya

nakimahelak pa sa Dios Ama

na nagsugo Sainya

 

“Ama, patawada sinda

ta dai ninda isi ang mga gibo ninda”

 

nagadan, piglubong

pakarihis ning tulong aldaw

nabuhay Siya otro!

 

su Dios na naging Tawo

Dios talagang totoo!

 

sa Sainyang pagkabuhay otro

nabuksan ang Paraiso

na awat nang serado

poon pa kang magkasala

sila adan kasi eva

 

Dios mabalos!

Dios mabalos!

 

Alleluiah!  Alleluiah!