Siring sa mga troll account kang campo ni Bongbong Marcos, peke daa an nagluwas na bareta sa Facebook na apat na gobernador sa Bicol, kabali si Gob Boboy Cua, an gasuporta na sa BBM-Sara tandem.

Dae man daang pagkaisi sa bagay na ini an gobernador kan Isla Maogma, na an partido iyo an Nationalist People’s Coalition (NPC).

Dati nang sinabi ni Gob na sa irarom kan saendang partido, bahala sinda magsuporta sa kung sisay na kandidato kung dae ma-endorse nin iba an partido.

Alagad iguang huringhuding na an napilitan daang magsuporta sa BBM-Sara iyo si Cong. Hector, na miembro nin Lakas.

Guiromdomon tabi na an lider kan Lakas iyo si dating Presidente GMA, na saro sa mga kaalyado kan BBM-Sara.

Si Manoy Hec suboot an gakumbinsir sa saiyang duwang kaibahan sa Bagong Timpla na magsunod na sana sa kagustuhan ni Bong Go, an gapalakaw sa ngonian sa Malacanang.

Dae daa yata ipaluwas ni Pay Digong asin an dakilalang alalay niya an fondo para sa mga magagansyang proyecto sa Isla Maogma kung dae masunod an tolong hade.

Kung mangyari ini, posibleng daculang kabawasan sa voto kan Bagong Timpla, lalo na ta makusog an suporta kan tawo sa kandidatura ni VP Leni.

Tibaad mas lalong madiskaril an gauwang-uwang na tren ni Manoy Hec kung ipadagos an planong ini.

Sagcod sa ngonian, dae pa daa cierto an kamogtakan ni Cong Sanchez sa saiyang reeleksiyon.

Caya ngani daa iguang gapa-survey otro kung inano talaga an pagheling saiya kan mga votante sa barangay.

Kung harimbawang talagang baging mabarikwa an barko, an sigurado sana bako si dating alcalde Yoloyo o an naderotang congresista an makinabang, he! he! he!

*****

Kalaen kan pangaturog ko kan kabanggihon na Lunes.

Nagsunod daa sa pigbalangibog na mga survey y pekeng Facebook account an mga dae nakasabot na votanteng Pilipino y naelegir na presidente si BBM minsan iguang pendienteng protesta sa resulta kan eleksyon.

Segun sa kahagadan niya, naging Defense Secretary daa si VP Sara.

Alagad dae daa naawat, iguang nangyaring karibokan laban qui BBM na nagresulta nin dakulang protesta sa EDSA.

Napiritan kuno an Defense Secretary Sara na makialam, pinalayas sa Malacanang si BBM sa tabang kan puwersa military, y siya an nagtukaw bilang presidente, Duterte part II.

An nagtukaw man na bise iyo daa si Senate President Raffy Tulfo, na dagos man kinua an pagka-amo sa Department of Justice.

Saka na ako nagimata na pinaningotan ning maripot…

*****

Cotana daa reparohon man kan satong mga lideres an policia kan PPA sa pagpaluwas nin pangarga sa pier.

Segun sa reclamador, an mga viajero daa nin gulay, tinapa y iba pang kaipuhan nin banwaan gatios na sanang magbitbit kan saendang mga sako, kahon o nigo paluwas sa pier hare sa lantsa ta an cada laog nin saendang vehiculo, magtraysikel man o trak, mabayad nin entrance fee sa PPA.

Kung habo mo daa magbayad, caipuhan daang magparehistro na sana nin vehiculo para sa santaon na palaog-paluwas sa pier, onse mil pesos man sana an taripa, he! he! he! Ini daa dae pa kabali an bayadan sa mga porter kan unyon ning obrero sa pier.

Diyan man sa boulevard sa Sta. Cruz, pigasingil man daa kan barangay an mga colorum na mga pampasaherong van nin dose mil pesos bilang parking fee.

Inda kung totoo ini ta baging dae pa man akong nadangog na iguang ipinasar y aprobadong ordinansa an barangay manongod sa bagay na ini.

Haen na daw an panuga caidto nin sarong politico na an mga colorum na pampasaherong van matawan nin prangkisa kan LTFRB?

*****

Puede pa daa magsolocit sa ngonian sa mga Santa Claus sa SP, ta dae pa man daa hinare an Krismas tree y mga ilap-ilap sa atubangan kan edificio….